Monday, September 8, 2008

HELLO FROM BIPIN

hi friends its my first blog here.........so i wont say much

Tuesday, December 4, 2007

3 DECEMBER 2007

3 DECEMBER 2007

Aj mera dusra practical cum viva tha. Par is bar mujhe kafi nishchintata thi. Waise to humara practical to kal hi proposed tha lekin bad me postpone ho gaya. 1 dec ko subeh 7 baje mere ghar ki ghanti baji. Mai oonghte huye utha,ye dekhne k liye ki kaun mardoot aa tapka subeh subeh. Par mai jaise hi bahar nikla to dekha ki bahar ek green color ki Qualis khadi thi. Mai turant andar bhaga aur mausi se bola ki CP bhaiya aye hai. Mausi gai. Wo dar-asal sath me Biochem k examiner ko bhi baithaye the. Usi ka kuch kam tha. Is karan se mai bahut khush tha, mera to bhokal bn gaya tha class me. Ha to hum log college pahuch gaye. Waha pe bahut apadhapi ho rhi thi. Hame jyada waqt na mila aur jald hi copies pakda di gai. Hum log lab me pahuch gaye manual leke. Hume ek trikoneeya kaanch k bartan me paani jaisa drava mila tha jiska hame raasayanik pareekshan karke ye pata karna tha ki usme kaun sa tatva viraajmaan hai. Mujhe to kuch smj me na aa rha tha aur na hi baba ko. Hum log wohi kar rhe the jo baki log . Humne manual ki bhi madad li. Akhirkar parinamswarup muje aur baba ko 6 parakhnaliyo me bhinn bhinn rango k ghol praapt huye. Ant me bari thi copy pe likhne ki. Ye karya humne akhilesh ki nakal karke kiya. Fir humne test tube aur copy sahit waha se nikal diya gaya.,aur hum log viva me apni bari ka intezar karne lage. Jaise hi koi viva deke nikalta hum log uspe toot pad rhe the aur prashno ki bauchhar kar de rhe the. Hum log tb physio lab me baithe the. Waha pe humne Devendra ka khub mazak udaya aur use mara bhi. Usne bhi mujhe marne ka kai prayas kiya. Ye sare chitra aap gallery me dekh skte hai. Fir hum log kafi der pehle hi apna sazo saman leke room k bahar pahuch gaye. Waha pe kafi ladkiya thi, is karan muje kafi acha ehsas ho rha tha. Baba bar bar andar jhaank rha tha. Fir achanak hmara number aa gaya. Mai age age gaya. Waha pe Chat***** sir b the. Sabse pehle examiner me mujhse puchha ki jal me ghulansheel vitamins k nam btao. Mai bola A,D,E K. Ye sun ke Cha****** aur examiner muskuraye. Baba ko b hasi aa gayi par usne lips dato me dabake hasi ko roka. Fir yehi prashn Baba ko pass ho gaya. Wo bade shan me bola vit C, aur usne B complex group k sare vitamins k nam gina diye. Itni shan me mene use kabi nhi dekha tha. Fir usne kai and band sawal kiye jo hame bouncer ke saman prateet huye. Fir usne Renal function test pucha. Ye sun k hum soch me pad gaye aur bagle jhaankne lage. Hamari haalat dekh k examiner bola -esi gehrai me doob gaye ho mane na jane kya poochh liya ho. Fir usne ghar aur sheher k bare me puchha. Fir dad k bare me puchha. Mene jb btaya ki wo bank me hai to usne kaha ki tumhare papa ki kamai to white hai, tum sawal nhi bta pa rhe ho, tmhe khud pe sharm ani chahiye. Wese bat mujhe Seema mam b keh chuki hai, par mai to kafi besharm hu. Fir hum log taan k nikle., sare ladke humse puchhne k liye line lgaye the,mene b sbko btaya ki examiner to ghar bar k bare me puchh rha h. Hum logo ne waha karib 1.5 ghanta tafri ki.
Jb pramod ka viva ho rha tha to baba lagatar khidki se use dekh rha tha. Aur ladkiya uski hai style dekh k khilkhila rhi thi. Fir hum canteen gaye aur free me chawal khaya.Par wo theek se pka nhi tha. Fir hum laut aye. Sham ko mai baba k sath kaha gaya aur kya khaya ye mai kinhi reasons se nhi bta skta
|I|I|I|I|I|I|I|I|I|I|I|I|I|I|I|I|I|I|I|I|I|I|I|I|I|I|I|I|I|I

Saturday, December 1, 2007

30 NOVEMBER 2007

30 NOVEMBER 2007

Hum log aj subeh hi college jane ka plan bana chuke the. Mai hamesha ki tarah Charbag ko baitha k nikal pada. Babaji bhi aye the. Unhone "Indigo Nation" ki kimti shirt pahani thi,jo unhone Pantaloons factory outlet, Janpath se li thi. Ek k sath ek free thi. (ye kuch kuch defective saree sale ki tarah hai ki inme ek mamuli sa defect hai jo apko dhondhne se b nhi milega). Usne jo achchhi shirt thi wo bade bhaiya ko de di. Isse babaji k tyagi vyaktitva ka pata chalta hai. Fir hum log andar gaye. Raste me Ra**** bhaiya mile. Hum unhe pakad k Anatomy lab me le gaye. Waha pe humne ek ek haddi li aur use study kiya. Babaji ko kafi confusion ho raha tha median-lateral, posterior-anterior me par maine use samjha diya. Fir yu hi g**8dmasti karte karte 1:30 pm ho gaya. Hum log ab Ra**** bhaiya se bole ki ap bones samjha dijiye. Unhone samjhana shuru kia. Fir unke lunch ka time ho gaya. Mene baki sbko lab se bhagaya. Bhaiya ne bataya ki college wale karmachariyo ka Provident Fund marne k liye college ko theke pe chalane ko de rhe hai. Rakesh,aur 1st yr k jyadatar varishtha shikshak is karan se college chhod rhe hai. Hum log chintit ho gaye. Mene Baba se kaha ki apne papa se bolo college ka theka lene k liye,isse tumhara college me bhokaal ban jaega,tumhe ladkiya ghere rhengi,teacher b bahut samman denge. Isse utsahit hoke Baba ne turant apne pitaji ko call kar diya. Charbagwa ne b turant call krke papa ko khabar ki. Fir hum log canteen me aa gaye. Baba abi b Ra**** se bat kr rha tha. Mene use cal krke canteen me bulaya aur sath me token leke ane ko kaha. Par tb pta chla ki khana khatm ho gaya. Baba aa gae,15 Rs k token leke. Jb use pta chala ki khana nhi hai, to wo ruwasa ho gaya. Bola ki mere pas sirf 15 Rs the. Tab mene jake use refund karaya. Fir hum log ne Divyata Inn jane ka plan banaya. Mai Charbag ko baithake pahuch gaya. Baba k sath me Utsav tha. Waha pe jb hum log ghuse to waha pe pehle se Sh*****,N*** (baba ki didi), aur ek anya ladki thi. Wo sb sali bahut shor macha rhi thi. Baba maalik wali chair pe baithe the. Wo ladkiyo ki or muh kiye baithe the. Fir humne menu mangaya. Mai aur baba to chili chicken ka man bna chuke the,par Charbag ko veg khana tha. Utsav duvidha me tha ki kya khaye. Fir humne use behlaya fuslaya. Tb humne waitor ko 3 half plate chili chiken,aur ek half shahi paneer+roti ka order diya.
Fir maine charbag se cell pe bhojpuri gana bajane ko kaha. Usne bajaya par usme zordar sound nhi tha. Mera maksad usse pura na ho paya (ladkiyo ko bhojpuri gana sunake apni izzat me izafa karna). Tb Utsav ne apna Fly nikala aur uspe kuch bite zamane k gane bjaye. Kafi intezar k bad khana aya. Charbag ka paneer dekh k Utsav ko lalach aa rha tha. Hame sirf spoon mila tha,mene waitor se fork magaya. Fir jb hum log kha hi rhe the tbi ladkiya uth k jane lagi. Wo hame dekha k hans rhi thi. Tiwari ki didi keh rhi thi "kaun kahega ye log doctor hain ?" . Fir hum logo ne khana kha liya. Fir mai baba se ladai karne laga. Kisi bat pe baba krodhit ho gaye aur bole-"tohke chutiya se pakar k chhate pe taang deb sale". Ye sun k mai ekdum nishabd ho gaya. Fir jb bill ki bari aai to Baba ne apna diya,mene b apna,aur sbne apna. Charbag jb shuru me waha pe menu dekha to bola tha ki "chai hi pike chalte hai". Us din uski raat jarur karwato aur bechaini me beeti hogi.
+-+-+-+-+-+-+

Thursday, November 29, 2007

28 NOVEMBER 2007

28 NOVEMBER 2007

Aj mera practical tha. Subeh se hi fati hui thi. Mene subeh se hi sbko call krna shuru kr dia tha. 8:30 pe mai to taiyar ho gaya tha,par babaji nahi aye. Fir mai Charbagh ko bitha ke ghode ki tarah bike daurane laga. Raste me hum BBD k pas wale mandir me gaye. Wo Sanjiv k liye khas hai kyuki wohi uski sharansthali thi. Babaji nhi gaye mandir me. College pahuchte hi hame sbse pehla jhatka laga. Hame tie pehenana tha,par hum to le hi nhi gaye the. Humne kisi tarah kekde k lab me baithe juniors se intezam kia. Fir afwaho ka daur shuru ho gaya. Har koi alag alag khabar suna rha tha. Baba k pas to steel box b nhi tha,wo bda pareshan tha. Mere pas pop cube aur impression nhi tha. Hum log physio k lab me baithe the. Fir pata chala ki humara number aya hai spotting k liye. Mai darte darte andar gaya. Waha pe sukhad mahaul tha. Mene aram se sb likh diya. Fir hm wapas aa gaye. Class me khub halla ho rha tha. Samne Vivek Patel baithe the,aur unhe Saurabh Singh chidha rha tha "meri umar k naujawano " ga k ! Mene Charbag ko b khub latara,dutkara. Wo thoothun nikaal k baitha tha. Dingi to manual lene wapas ghar chala gaya. Babaji b tray k liye pareshan the. Isi beech afwah udi ki examiner aa gaya, aur ye b ki sara saman jama ho jaega. Baba ki dhadkane badh gai,aur wo bbd se tray kharidne ki sochne laga. Par mene mana kar diya. Mene ek ladki se uska cube kharidna chaha to uska jawab tha "not for sale". Fir pata laga ki Aamir ka viva ho gaya. Hum auditorium gaye to pata chla ki uska viva internal examiner ne liya. Fir kuch der bad External examiner aa hi gaya. Wo dikhne me samanya manushyo jaisa hi tha. 1-8 tak ka jb ho gaya to sunai pada ki bda kathin sawal puch rha h. Aur ye b pata chala ki 3 logn ka ek sath ho rha hai. Ye sun ke hmari jaan me jaan ayi. Ye bat Chhaparia ne btai. Fir kisi trh Baba ne tray ka intezam kiya. Aur hum us room k bahar khade ho gaye jisme viva ho rha tha. Ye wohi room hai jisme ek bar muje be-izzat kiya gaya tha papa k samne parent teacher meeting me. Baba ka number aa gaya. Use bulaya ja rha tha par wo itna bhayabheet tha ki uski himmat nhi par rhi thi andr jane ki. Wo bahar se hi jhaank reh ja rha tha. Fir bahas khade chaprasi ne use pichhe se ek laat mari to wo andar gaya. Waha pe wo Nath Sir k samne pada. Usne kuch jawab diye aur kuch nhi. Last me usse nath ne pucha (samne table pe rakhi bottle ki or ishara krke) ye kya hai? Baba ne bine dekhe,bina khole bol dia "heat cure". Is par nath ascharyachakit reh gaye. Upadhyay bole"wah tum to bina dekhe hi pehchan jate ho". Fir mai gaya. Mera b thik thak nikal gaya. Tab mai aur baba bahar chale aye. Waha mene C.P. bhaiya ko dekha. Unhe dekhte hi mere antarman me ye aakanksha utpann hui ki unse keh du ki muje badhiya number dila de. Hum log wahi bahar 20 minute tk khade rhe ki kb wo akele ho aur unse bat kare. Kafi der bad wo mile. Humne jake unke charan isparsh kiye aur jese hi hum kuch bolne wale the to unhone kaha "thik hai, ab jao". Hamari to jhand ho gai. Fir mene counter se 18 Rs ka token kharida. Wahi pe mene dekha ki staff ki attendence k liye ekdum bhokali fingerprint sensitive machine lagi hai. Fir humne canteen me khana khaya,par salad me sirf mooli thi, meri favourite pyaz nhi. Fir bahar jake humne juniors ko unki tie lautai. Waha pe mmmmmmm......Maha***** b tha. Wo lift maang rha tha. Uski behen bhi thi. Wo crossing pe khadi thi. Maine pichhe Dingi ko baithaya tha. Jab mai crossing pe pahucha to mene Dingi ko is asha me utar diya ki waha khadi do ladkiyo me se koi ek meri bike pe baith jaye. Par mere kharab mansubo pe pani fir gaya. Koi nhi baitha. Wapas Devu hi baitha. Fir hum taan k laut aye. Sham ko mai apne ghode (bike) ko leke nikla. Mujhe meat kharidni thi. Par jaise ki ap logo ko pata hi hai ki mai akele kahi nhi jata, mujhe pichhe ek sawari jarur chahiye. Mene baba ko fon lagaya. Wo anshu ki dukan pe chai pi rha tha. Mene usse wahi rukne ko
kaha,aur waha pahuch gaya. Maine baba ko baithaya aur meat lene pahuch gaya. Maine 1 kg meat li. Fir hum log wapas anshu ki dukan pe gaye aur maine baba ko chai pilai. Mene use cigarette k liye bhi puchha par usne mana kar diya. Fir mai ghar wapas laut gaya.

Wednesday, November 28, 2007

27 NOVEMBER 2007

27 NOVEMBER 2007

Mai kal raat ko karib 10 bje Lucknow pahucha. Daaru pee pee k mai waha gao me pagla gaya tha. Ate hi mai chadar taan k so gaya. Subeh 8 bje mai Tiwari baba k room pe gaya. Waha pe mujhe wo cheez dikh gai jiski mujhe ummeed nhi thi. Usne mere liye cast kharidi thi aur use ghis b diya tha. Babaji tb nityakriya kar chuke the aur TV dekh rhe the. Unhone cable jo lagwaya hai aunty se maang k. Usne 149 Rs me 18 meter cable kharida. Par tb b kewal 15 channel hi saaf ate hai,hyper band k channels nhi ate. Koi achha chanel b nhi ata. Fir babaji raat k baasi aate se paratha bnane lage. Parmod b aya tha. Wo mujhe apna no. 1 dushman samajhta hai. 10:30 pe humlog college k liye nikle. Mai babaji ki bike se ja rha tha kyuki mere bade bhai ne meri bike aj chheen li thi. Raste me Tiwariganj me Saraswati Dental College k samne uski bike ka rear tyre puncture ho gaya. Usne chek kiya to ek keel mili. Mere bhari wajan k karan wo mud gai thi. Fir hum use dukan pe le gaye. Waha pe jb ladke ne tube dekhi to usne haath khade kr diye. Usne use repair krne me asamarthata zahir ki,aur bola ki new tube leni padegi. Wo nai hi tube to thi,1 mhine purani. Ye sun k baba k chehre ki hawaaiya ud gai. Mere wajan ki wjh re tube chithara ho gai thi. Khair fir nai tube aai. Baba k pas samuchit dhan nhi tha. Mene use kone me 100 Rs diye. Baba bole "btao yar,ek keel ne g**** mar li. 140 me to mai muvie dekh leta,burger k sath". Fir hum college praangan me pahuche. Waha se Di*** shan me nikal rha tha. Hum log prostho lab k bahar pahuche ,apron pehna. Baba ne R****"lau** ki" ka apron manga,jiski ewaj me usne pukar k liye 2 rupaye liye baba se. Fir hm andar gaye.
Waha pe Upa***** sir the. Jb mai unse manual sign karane gaya to unhone mujse kaha ki tmhe theory me zero mila hai,is pe maine nehle pe dehla marte huye kaha ki mene to exam hi nhi diya. Fir hm log Madhurendra k room me gaye. Mene baba ko waha pe bulaya aur ye kaha ki Saurabh Patel yaha nhi hai. Wo usse khauf khata hai. Fir hmne Madhur se cast pe color karwaya. Fir hm shan se laut aye

Saturday, November 24, 2007

23 NOVEMBER 2007

23 NOVEMBER 2007

Mai to aj subeh tadke hi Gorakhpur se train pakda aur lucknow k liye nikla. Charbag bhi mere sath me tha. Hum karib 11 baje station pe pahuche aur 30 minute me ghar. Mai jaldi se nahaya aur fir Tiwari aur Charbag k sath college pahucha. Waha pe jake pata chala ki kal yani 24 ko practical nahi hai. Ye sun k mai to khud to thaga aur bevkoof mahsoos kar raha tha. 25 ko mere ek doooor k mama ki shadi hai. Use attend karna bahut zaruri tha. Ooper se ek aur khushi ki baat thi. Mai baap ban gaya tha. Meri beti ka janm 21 november ko hua. Uska naam Shabana hai. Mene turant hi nishchaya kia ki mujhe sham wali train se hi Basti jana hai. Mene turant Utsav ko phone ki aur use paristhiti se avgat karaya. Wo b raste me hi college pe utar gaya. Use b ek marriage attend karne Basti jana tha. Mujhe ek sathi mil gaya. Mene Mummy se puchha to unhone hami bhar di. Papa ko b kisi tarah maine mana liya. Humara caravan nikal pada. Raste me Tiwari baba & company achanak ruk gaye. Mai age nikal gaya tha. Usne mujhe call krke Janya pe bulaya. Waha pe wo log cast khareed rhe the. Par mere pahuchne se pehle hi sb bik gai. Mene use 1 pair bnane ka order diya. Yaha pe Charbag ne mujhe dhokha dia. Mai ek din pehle hi laut rha tha kyuki mujhe cast banwana tha. Par Charbag ne mujse kaha ki uski b cast nhi bni hai,aur 23 ko jake banwa lenge. Mai uski bato me aa gaya. Darasal use raste me company chahiye thi. Par jb mene Janya pe 2 pair cast bnane ko bola tb usne apna asli rang dikhaya. Wo bola ki mujhe cast nhi chahiye,meri bni hui hai. Mai tb chootia bn k reh gaya. Mene Tiwari baba se agle din ake cast kharid lene ka aagraha kia jo unhone saharsha sweekar kar lia. Is prakar mere 32 rupaye bach jayenge
Создай сайт! Create site!

Friday, November 23, 2007

22 NOVEMBER 2007

22 NOVEMBER 2007
Keh ko to mai ye gaya tha ki ghar ja rha hu,par sale chor college walo ne achanak practical ki dates nikaal di. 24 ko DM ka h,baki Biochemistry,Physiology,Anatomy ka 2,3,aur 6 december ko hai. Exam ki tarah ki tarah isme b unhone 10-15 din fasa diye. Mujhe ye dukhad soochna ek forwarded sms k maadhyam se mili niche sanlagna hai.
Practical date..24-dm,2-3 -b.C,5-physio,6-anatomy.,Plz come soon..,In chandra ..,Apka apna chandra pariwar..,God bless u..
Mai to tab sirf ghar pahucha hi tha ki pata chala ki esa ho gaya. Tiwari baba ko maine turant fone kiya,kyuki wo b ghar k liye nikal rhe the. Par tab tak der ho chuki thi. Unki bus Barabanki cross kar chuki thi. Halaki waha se lautne me koi dikkat nhi thi,par wo to ekdum atal irado wale vyakti hain. Ek bar jo soch liya ,use karke hi dikhana hai. Ek din hum log viva ki book lene k liye Aditya k yaha gaye,par uske pas wo na thi. Mene ek leli,par Biochem ki na mili. Maje ki bat to ye hai ki mai sirf 200 Rs leke gaya tha na jane kya soch ke? Jabki viva ki sari books mai leta to unka moolya 300-350 Rs se kam nhi hoga. Esa maine shayad isliye kia kyuki mai aarthick tangi k daur se guzar rha hu. Usi me Tiwari baba ne mere 35 Rs Lalbagh k famous Sharma Tea Stall pe kharch kara diye. Waha pe humne 5 ki chai,5 ka samosa aur 10 ka bun-makkhan khaya. Wahi pe Tiwari baba ne khade khade btaya ki jab wo Jiyamau me rehta tha,tb wo auto pakadne main road pe ata tha coaching jane k liye. Use dekh k waha Autorickshaws ki line lag jati thi. Shayad meri hasti khelti zindagi colej walo ko pasand nhi thi,jo unhone isme aag laga di. Mere sare arman nal k pani me beh gaye. Ab mujhe exam k us maanasik yaatna k daur se dubara guzarna padega. Abi to mai pichle sadme se hi ubar nhi paya tha. Itni shakti hame dena data,man ka vishwas kamzor höna. Abhi to mai raste me hu,thodi der me gorakhpur pahuch jaunga. Fir waha se subeh niklunga taki 10:30 am tak pahuch jau. Mene socha tha ki isbar papa ko pata k koi bahut hi mahga mobile lunga jisme mp3 bajti ho,radio ho,camera ho,bluetooth ho aur esi sari chize ho baki sb sale hamesha bolte rehte hai,aur mai kewal sunta hu. Meri nigaah Nokia 6085 pe hai. Ye bada mahga hai,pure 4000 ka hai. Par agr mere exam me bahut achchhe number aye,tabhi dad muje itni bdi rakam denge. Wese iske sath me memory card nhi milta. Par woto muje San*o*h apni dukaan se churake de dega,1 GB ka ! Mene ese hi to Devender ko b dilaya tha. Isi k karan to uske i
istar aur samman me kafi vriddhi hui. Mai apne new mobile pe crystal cover b lagaunga. Aur usme jamke bhojpuri gaane bhar dunga aur class me pichhe baith k bajaunga. Tb mai kai khaas logo ka dhyan apni or kheench sakunga. Mene Devendra ka ek naya naam rakha hai,jise yaha nhi bta skta warna wo naraj ho jaega aur bolega "a bho**i wale, ankhiya fod le kaa ?". Ok baki bat baad me ,bye