Thursday, November 29, 2007

28 NOVEMBER 2007

28 NOVEMBER 2007

Aj mera practical tha. Subeh se hi fati hui thi. Mene subeh se hi sbko call krna shuru kr dia tha. 8:30 pe mai to taiyar ho gaya tha,par babaji nahi aye. Fir mai Charbagh ko bitha ke ghode ki tarah bike daurane laga. Raste me hum BBD k pas wale mandir me gaye. Wo Sanjiv k liye khas hai kyuki wohi uski sharansthali thi. Babaji nhi gaye mandir me. College pahuchte hi hame sbse pehla jhatka laga. Hame tie pehenana tha,par hum to le hi nhi gaye the. Humne kisi tarah kekde k lab me baithe juniors se intezam kia. Fir afwaho ka daur shuru ho gaya. Har koi alag alag khabar suna rha tha. Baba k pas to steel box b nhi tha,wo bda pareshan tha. Mere pas pop cube aur impression nhi tha. Hum log physio k lab me baithe the. Fir pata chala ki humara number aya hai spotting k liye. Mai darte darte andar gaya. Waha pe sukhad mahaul tha. Mene aram se sb likh diya. Fir hm wapas aa gaye. Class me khub halla ho rha tha. Samne Vivek Patel baithe the,aur unhe Saurabh Singh chidha rha tha "meri umar k naujawano " ga k ! Mene Charbag ko b khub latara,dutkara. Wo thoothun nikaal k baitha tha. Dingi to manual lene wapas ghar chala gaya. Babaji b tray k liye pareshan the. Isi beech afwah udi ki examiner aa gaya, aur ye b ki sara saman jama ho jaega. Baba ki dhadkane badh gai,aur wo bbd se tray kharidne ki sochne laga. Par mene mana kar diya. Mene ek ladki se uska cube kharidna chaha to uska jawab tha "not for sale". Fir pata laga ki Aamir ka viva ho gaya. Hum auditorium gaye to pata chla ki uska viva internal examiner ne liya. Fir kuch der bad External examiner aa hi gaya. Wo dikhne me samanya manushyo jaisa hi tha. 1-8 tak ka jb ho gaya to sunai pada ki bda kathin sawal puch rha h. Aur ye b pata chala ki 3 logn ka ek sath ho rha hai. Ye sun ke hmari jaan me jaan ayi. Ye bat Chhaparia ne btai. Fir kisi trh Baba ne tray ka intezam kiya. Aur hum us room k bahar khade ho gaye jisme viva ho rha tha. Ye wohi room hai jisme ek bar muje be-izzat kiya gaya tha papa k samne parent teacher meeting me. Baba ka number aa gaya. Use bulaya ja rha tha par wo itna bhayabheet tha ki uski himmat nhi par rhi thi andr jane ki. Wo bahar se hi jhaank reh ja rha tha. Fir bahas khade chaprasi ne use pichhe se ek laat mari to wo andar gaya. Waha pe wo Nath Sir k samne pada. Usne kuch jawab diye aur kuch nhi. Last me usse nath ne pucha (samne table pe rakhi bottle ki or ishara krke) ye kya hai? Baba ne bine dekhe,bina khole bol dia "heat cure". Is par nath ascharyachakit reh gaye. Upadhyay bole"wah tum to bina dekhe hi pehchan jate ho". Fir mai gaya. Mera b thik thak nikal gaya. Tab mai aur baba bahar chale aye. Waha mene C.P. bhaiya ko dekha. Unhe dekhte hi mere antarman me ye aakanksha utpann hui ki unse keh du ki muje badhiya number dila de. Hum log wahi bahar 20 minute tk khade rhe ki kb wo akele ho aur unse bat kare. Kafi der bad wo mile. Humne jake unke charan isparsh kiye aur jese hi hum kuch bolne wale the to unhone kaha "thik hai, ab jao". Hamari to jhand ho gai. Fir mene counter se 18 Rs ka token kharida. Wahi pe mene dekha ki staff ki attendence k liye ekdum bhokali fingerprint sensitive machine lagi hai. Fir humne canteen me khana khaya,par salad me sirf mooli thi, meri favourite pyaz nhi. Fir bahar jake humne juniors ko unki tie lautai. Waha pe mmmmmmm......Maha***** b tha. Wo lift maang rha tha. Uski behen bhi thi. Wo crossing pe khadi thi. Maine pichhe Dingi ko baithaya tha. Jab mai crossing pe pahucha to mene Dingi ko is asha me utar diya ki waha khadi do ladkiyo me se koi ek meri bike pe baith jaye. Par mere kharab mansubo pe pani fir gaya. Koi nhi baitha. Wapas Devu hi baitha. Fir hum taan k laut aye. Sham ko mai apne ghode (bike) ko leke nikla. Mujhe meat kharidni thi. Par jaise ki ap logo ko pata hi hai ki mai akele kahi nhi jata, mujhe pichhe ek sawari jarur chahiye. Mene baba ko fon lagaya. Wo anshu ki dukan pe chai pi rha tha. Mene usse wahi rukne ko
kaha,aur waha pahuch gaya. Maine baba ko baithaya aur meat lene pahuch gaya. Maine 1 kg meat li. Fir hum log wapas anshu ki dukan pe gaye aur maine baba ko chai pilai. Mene use cigarette k liye bhi puchha par usne mana kar diya. Fir mai ghar wapas laut gaya.

Wednesday, November 28, 2007

27 NOVEMBER 2007

27 NOVEMBER 2007

Mai kal raat ko karib 10 bje Lucknow pahucha. Daaru pee pee k mai waha gao me pagla gaya tha. Ate hi mai chadar taan k so gaya. Subeh 8 bje mai Tiwari baba k room pe gaya. Waha pe mujhe wo cheez dikh gai jiski mujhe ummeed nhi thi. Usne mere liye cast kharidi thi aur use ghis b diya tha. Babaji tb nityakriya kar chuke the aur TV dekh rhe the. Unhone cable jo lagwaya hai aunty se maang k. Usne 149 Rs me 18 meter cable kharida. Par tb b kewal 15 channel hi saaf ate hai,hyper band k channels nhi ate. Koi achha chanel b nhi ata. Fir babaji raat k baasi aate se paratha bnane lage. Parmod b aya tha. Wo mujhe apna no. 1 dushman samajhta hai. 10:30 pe humlog college k liye nikle. Mai babaji ki bike se ja rha tha kyuki mere bade bhai ne meri bike aj chheen li thi. Raste me Tiwariganj me Saraswati Dental College k samne uski bike ka rear tyre puncture ho gaya. Usne chek kiya to ek keel mili. Mere bhari wajan k karan wo mud gai thi. Fir hum use dukan pe le gaye. Waha pe jb ladke ne tube dekhi to usne haath khade kr diye. Usne use repair krne me asamarthata zahir ki,aur bola ki new tube leni padegi. Wo nai hi tube to thi,1 mhine purani. Ye sun k baba k chehre ki hawaaiya ud gai. Mere wajan ki wjh re tube chithara ho gai thi. Khair fir nai tube aai. Baba k pas samuchit dhan nhi tha. Mene use kone me 100 Rs diye. Baba bole "btao yar,ek keel ne g**** mar li. 140 me to mai muvie dekh leta,burger k sath". Fir hum college praangan me pahuche. Waha se Di*** shan me nikal rha tha. Hum log prostho lab k bahar pahuche ,apron pehna. Baba ne R****"lau** ki" ka apron manga,jiski ewaj me usne pukar k liye 2 rupaye liye baba se. Fir hm andar gaye.
Waha pe Upa***** sir the. Jb mai unse manual sign karane gaya to unhone mujse kaha ki tmhe theory me zero mila hai,is pe maine nehle pe dehla marte huye kaha ki mene to exam hi nhi diya. Fir hm log Madhurendra k room me gaye. Mene baba ko waha pe bulaya aur ye kaha ki Saurabh Patel yaha nhi hai. Wo usse khauf khata hai. Fir hmne Madhur se cast pe color karwaya. Fir hm shan se laut aye

Saturday, November 24, 2007

23 NOVEMBER 2007

23 NOVEMBER 2007

Mai to aj subeh tadke hi Gorakhpur se train pakda aur lucknow k liye nikla. Charbag bhi mere sath me tha. Hum karib 11 baje station pe pahuche aur 30 minute me ghar. Mai jaldi se nahaya aur fir Tiwari aur Charbag k sath college pahucha. Waha pe jake pata chala ki kal yani 24 ko practical nahi hai. Ye sun k mai to khud to thaga aur bevkoof mahsoos kar raha tha. 25 ko mere ek doooor k mama ki shadi hai. Use attend karna bahut zaruri tha. Ooper se ek aur khushi ki baat thi. Mai baap ban gaya tha. Meri beti ka janm 21 november ko hua. Uska naam Shabana hai. Mene turant hi nishchaya kia ki mujhe sham wali train se hi Basti jana hai. Mene turant Utsav ko phone ki aur use paristhiti se avgat karaya. Wo b raste me hi college pe utar gaya. Use b ek marriage attend karne Basti jana tha. Mujhe ek sathi mil gaya. Mene Mummy se puchha to unhone hami bhar di. Papa ko b kisi tarah maine mana liya. Humara caravan nikal pada. Raste me Tiwari baba & company achanak ruk gaye. Mai age nikal gaya tha. Usne mujhe call krke Janya pe bulaya. Waha pe wo log cast khareed rhe the. Par mere pahuchne se pehle hi sb bik gai. Mene use 1 pair bnane ka order diya. Yaha pe Charbag ne mujhe dhokha dia. Mai ek din pehle hi laut rha tha kyuki mujhe cast banwana tha. Par Charbag ne mujse kaha ki uski b cast nhi bni hai,aur 23 ko jake banwa lenge. Mai uski bato me aa gaya. Darasal use raste me company chahiye thi. Par jb mene Janya pe 2 pair cast bnane ko bola tb usne apna asli rang dikhaya. Wo bola ki mujhe cast nhi chahiye,meri bni hui hai. Mai tb chootia bn k reh gaya. Mene Tiwari baba se agle din ake cast kharid lene ka aagraha kia jo unhone saharsha sweekar kar lia. Is prakar mere 32 rupaye bach jayenge
Создай сайт! Create site!

Friday, November 23, 2007

22 NOVEMBER 2007

22 NOVEMBER 2007
Keh ko to mai ye gaya tha ki ghar ja rha hu,par sale chor college walo ne achanak practical ki dates nikaal di. 24 ko DM ka h,baki Biochemistry,Physiology,Anatomy ka 2,3,aur 6 december ko hai. Exam ki tarah ki tarah isme b unhone 10-15 din fasa diye. Mujhe ye dukhad soochna ek forwarded sms k maadhyam se mili niche sanlagna hai.
Practical date..24-dm,2-3 -b.C,5-physio,6-anatomy.,Plz come soon..,In chandra ..,Apka apna chandra pariwar..,God bless u..
Mai to tab sirf ghar pahucha hi tha ki pata chala ki esa ho gaya. Tiwari baba ko maine turant fone kiya,kyuki wo b ghar k liye nikal rhe the. Par tab tak der ho chuki thi. Unki bus Barabanki cross kar chuki thi. Halaki waha se lautne me koi dikkat nhi thi,par wo to ekdum atal irado wale vyakti hain. Ek bar jo soch liya ,use karke hi dikhana hai. Ek din hum log viva ki book lene k liye Aditya k yaha gaye,par uske pas wo na thi. Mene ek leli,par Biochem ki na mili. Maje ki bat to ye hai ki mai sirf 200 Rs leke gaya tha na jane kya soch ke? Jabki viva ki sari books mai leta to unka moolya 300-350 Rs se kam nhi hoga. Esa maine shayad isliye kia kyuki mai aarthick tangi k daur se guzar rha hu. Usi me Tiwari baba ne mere 35 Rs Lalbagh k famous Sharma Tea Stall pe kharch kara diye. Waha pe humne 5 ki chai,5 ka samosa aur 10 ka bun-makkhan khaya. Wahi pe Tiwari baba ne khade khade btaya ki jab wo Jiyamau me rehta tha,tb wo auto pakadne main road pe ata tha coaching jane k liye. Use dekh k waha Autorickshaws ki line lag jati thi. Shayad meri hasti khelti zindagi colej walo ko pasand nhi thi,jo unhone isme aag laga di. Mere sare arman nal k pani me beh gaye. Ab mujhe exam k us maanasik yaatna k daur se dubara guzarna padega. Abi to mai pichle sadme se hi ubar nhi paya tha. Itni shakti hame dena data,man ka vishwas kamzor höna. Abhi to mai raste me hu,thodi der me gorakhpur pahuch jaunga. Fir waha se subeh niklunga taki 10:30 am tak pahuch jau. Mene socha tha ki isbar papa ko pata k koi bahut hi mahga mobile lunga jisme mp3 bajti ho,radio ho,camera ho,bluetooth ho aur esi sari chize ho baki sb sale hamesha bolte rehte hai,aur mai kewal sunta hu. Meri nigaah Nokia 6085 pe hai. Ye bada mahga hai,pure 4000 ka hai. Par agr mere exam me bahut achchhe number aye,tabhi dad muje itni bdi rakam denge. Wese iske sath me memory card nhi milta. Par woto muje San*o*h apni dukaan se churake de dega,1 GB ka ! Mene ese hi to Devender ko b dilaya tha. Isi k karan to uske i
istar aur samman me kafi vriddhi hui. Mai apne new mobile pe crystal cover b lagaunga. Aur usme jamke bhojpuri gaane bhar dunga aur class me pichhe baith k bajaunga. Tb mai kai khaas logo ka dhyan apni or kheench sakunga. Mene Devendra ka ek naya naam rakha hai,jise yaha nhi bta skta warna wo naraj ho jaega aur bolega "a bho**i wale, ankhiya fod le kaa ?". Ok baki bat baad me ,bye

Monday, November 19, 2007

18 NOVEMBER 2007

18 NOVEMBER 2007
Mere exams khatm ho gaye. Par hamare room me itne chor invigilator aa gaye the ki hum log koi khas nakal nhi kar paye. Un sale idli-dosa walo ne chit nikalne hi nahi di. Par mene apne age baithe Tiwari baba aur side me baithi D**p* ki madad se kafi kuch likh liya. Par last me thoda lafda type ka ho gaya. Ek green shirt pehne invigilator ne mujse time se pehle hi copy maangi. Maine kafi anakani ki par wo ma******d nhi mana. Mene krodh me copy uski ore fenk di. Isse wo bhadak gaya. Wo kehne laga "tum apne aap ko kya samajhte ho ,hero,apne aap ko hero samajhte ho. Yu copy fenk k mujhpe koi ehsan kar rhe ho? I will tear ur copy. I wont submit it." fir usne meri copy lauta di. Fir wo sala apne se ek senior teacher ko bula k le aya. Par mamla sulat gaya. Par mujhe dukh is baat ka h ki kal muje ek ladki ne dhokha diya. Are nhi,galat mat samajhna, mai pyar mohabbat ki baat nhi kr rha hoon. Dar-asal, hostel me rehni wali 1 ladki ne mujhse micro-chit banwane ko kaha tha. Mene physiology me use ek set jiski lagat 12 Rs ayi thi use exam se pehle diya. Par us din wo dar k mare wo chit le hi nhi gai. Fir DM me b usne mujse fon karke chit banwane ko kaha,usne mujhe page no b note karaye. Mene bhi socha ki thik h,wo chit leke aegi,jb muje jarurat hogi,me maang lunga. Ladkiyo ki checking b to nhi hogi. Fir us raat maine use kuch confirm krne k liye fön lagaya. Par call galti se "ROBOT" nam ki ek ladki ko lag gaya. Exam time me mene usse kai bar chit maangi,par usne mujhe ansuna kar dia. Mai khoon ka ghoont pi k reh gaya. Isi chit k karan meri kafi badnami b hui thi. Boys hostel se leke girls hostel tak ye baat sbke juban pe thi ki Bipin ne uski chit bnai h. Par is dhokhe k bad mene socha ki kya ye akhiri exam h?Agle saal b to hoga,tb kaha bachke jaengi ye madam ! Hahaha. Usi din Charbag ji ki b'day party kai dino se prastaavit thi kyuki unka janamdin exam k beech me pad gaya. To hm log chinhut isthit ARYAN restaurant pe pahuch gaye Mai aur charbagh jake ek big aur ek small bottle Mcdowell's No. 1 whisky aur ek bottle beer aur do bottle soda le aye. Fir humne ek full aur ek half handi chicken order kiya. Ghaas-paat khane walo k liye paneer-haandi aya. Maine jamke pi aur Dingi ji ko khub gariyaya. Mene is vaartalaap ki audio recording b ki hai,jise aap niche diye gaye link pe click karke sun skte h. Fir hum log East end mall gaye aur waha kuch der rehne k baad ghar laut gaye. Baki sbo ne to saturday ko INOX me OM SHANTI OM dekhne ka plan bnaya. Par mene sbse kaha ki muje DUS KAHANIYA dekhni h. Mere dimag me kuch aur hi chal rha tha. To saturday ko mai apne plan k mutabik car servis karane nikal liya. Ye bahana mai pehle b do bar prayog kar chuka hu. Is trh se mai bach gaya. Jante hai mai kyu nhi gaya? Mai iske teen sambhaavit reasons btaunga jinme se ek hi satya hai. (1) mere paas paiso ki kami hai,meri pocket money khatm ho gai,aur jitna bcha h uski movie dekh leta to mera cigarette aur pan masala band ho jaega. (2) mai un 60 Rs se apni preyasi se ji bhar k baate kar sakunga (3) mai kanjoos hoo . Ab inme se asli reason kaunsa hai,mai ye nhi btaunga. OK ab agle din milta hu,muje tatti jana hai,zor ka pressure laga hai